Surabi Jeung Tutug Oncom
Baca di jero hate!
SURABI JEUNG TUTUG ONCOM
Sakanyaho Mida, anu dagang surabi teh biasana pasusubuh, Anu dagangna oge awewe, jeung rata-rata geus kolot deuih. Ari dagangna nagog di sisi jalan. Anu mareulina ngariung, dariuk dina bangku panjang bari siduru hareupeun hawu. Kitu dina bayangan Mida ngeunaan tukang surabi teh. Tetela, teu beda jeung Dami, Dami oge ngabayangkeun kitu.
Anu matak basa Mida jeung Dami diajak ulin ka Bandung, kacida kagetna asup ka tempat dagang surabi anu kawilang agreng. Anu dagangna oge barudak ngarora, awewe jeung lalaki marake baju parantes. Tempatna teu beda ti restoran, dariuk ngariung meja makan. Di hareupeun tempat dagangna, ngaregreg motor jeung mobil anu diparkir.
Nepi ka balik deui ka imahna, Mida mah terus ba€ mikiran nu dagang surabi di Bandung.
“Tiasa kitu nya, Pa,” ceuk Mida.
“Naon tiasa kitu teh?” Pa Upa nanya.
“Muhun eta anu dagang surabi. Tempatna oge agreng, teu kawon ku restoran-restoran.”
Ceuk Pa Upa eta teh bukti karancagean anu dagangna. Sakaligus celi dina neangan luang usaha. Surabi teh kadaharan tradisional anu dipikaresep ku balarea. Dirobah kabiasaan ngadagangkeunana, boh waktuna boh carana. Waktuna teu kudu subuh bae, tempat jeung carana jadi leuwih moderen. Eta anu disebut inovasi.
“Rancage atawa kreatif jeung inovasi teh mangrupa hal anu kacida pentingna lamun urang hayang maju dina usaha,” ceuk Pa Upa.
Lain surabi bae kadaharan tradisional anu geus makalangan di restoran-restoran moderen teh. Aya deui, di antarana tutug oncom.
“Tutug oncom anu sok didamel ku Nini Erum?” ceuk Dami. Inget kana kabiasaan di ninina, ari isuk-isuk sok sasarap tutug oncom.
“"Muhun. Tah, ayeuna mah tos diical di restoran-restoran sareng Seueur nu mikaresep,” ceuk Pa Upa.
“Ari nu sok diical dina internet teh naon, Da?” Mida nanya.
“Oh, atuh eta mah kiripik sampeu,” tembal Dami.
“Eta oge sami, modalna rancage sareng inovafif. Kiripik sampeu diical online ngalangkungan internet, anu samemehna mah hentey aya,” ceuk Pa Upa.
Saenyana masih keneh loba kadaharan tradisional teh. Enya, anu ku urang mah sok disebut kadaharan kampung tea. Tetela ari geus dibawa kadayeuhmah, loba nu mikaresep.Ngan can aya anu ngaropea saperti surabi jeung tutug oncom. Kitu deui didagangkeunana, masih ngagunakeun cara-cara heubeul. Can ngamangpaatkeun kamekaran tehnologi saperti internet. Eta bisa mangrupa luang usaha pikeun urang. Saratna nya eta rancage jeung inovatif, daek mikiran jeung migawe hal-hal anyar anu positif.
Ngajawab Pananya
Pek ku hidep jawab pananya di handap!
- Iraha umumna anu sok dagang surabi teh? Jeung saha deuih anu dagangna?
- Dina bayangan Mida, kumaha cenah prak-prakanana anu dagang surabi teh?
- Naon sababna Mida kaget ningali nu dagang surabi di Bandung?
- Surabi teh kadaharan tradisional urang. Naha make disebut kadaharan tradisional?
- Salian ti surabi, naon deui kadaharan tradisional anu geus dijual di restoran garede teh?
- Cik tataan, naon bae kadaharan tradisional Sunda teh?
- Kumaha carana sangkan eta kadaharan tradisional teh bisa didagangkeun di restoran-restoran garede?
- Lamun didagangkeun ngaliwatan internet, disebutna sacara?
