Pengertian reklame adalah suatu media atau alat untuk menyampaikan informasi, menawarkan, mempromosikan, serta memperkenalkan suatu produk atau jasa kepada khalayak dengan menggunakan gambar dan kata-kata yang menarik.
Pendapat lain mengatakan pengertian reklame adalah suatu media visual yang memanfaatkan gambar dan tulisan yang diolah sedemikian rupa untuk mengkomunikasikan pesan tertentu kepada masyarakat. Pembuatan reklame bertujuan untuk memberikan informasi kepada khalayak tentang suatu barang, jasa, atau hal lain dengan cara yang menarik.
Secara etimologis, kata “reklame” diadaptasi dari bahasa Spanyol, yaitu “reclamos” yang artinya suatu seruan yang dilakukan berulang-ulang. Dengan kata lain, arti reklame adalah suatu tindakan mengajak orang lain secara berulang-ulang untuk mengikuti isi dari reklame tersebut.
EVALUASI
Perhatikan lingkungan sekitarmu!
Berdasarkan pengertian reklame di atas, Analisa keadaan lingkungan sekitarmu dan gambarlah sebuah reklame yang ada di lingkungan sekitarmu!
MARI BERLATIH
Mari kita saksikan bersama video berikut!
setelah kalian menonton video tersebut, bagaimana pendapat kalian tentang pembuatan satu buah papan reklame yang besar?
KESIMPULAN
Pengertian reklame adalah suatu media atau alat untuk menyampaikan informasi, menawarkan, mempromosikan, serta memperkenalkan suatu produk atau jasa kepada khalayak dengan menggunakan gambar dan kata-kata yang menarik
Bahasa dan Sastra Sunda
Tujuan Pembelajaran:
Peserta didik dapat memahami teks deskripsi tentang pengaruh globalisasi
Peserta didik dapat menceritakan kembali isi teks deskripsi tentang pengaruh globalisasi
Materi Pokok: Pengaruh Globalisasi
APERSEPSI
Di handap aya gambar ngeunaan pangaruh globalisasi pikeun kahirupan jeung lingkungan urang. Pek titenan eta gambar sing taliti
Samemeh medar ngeunaan pangaruh globalisasi, urang pedar heula ngeunaan harti kecap globalisasi. Ulah nepikeun ka nyaho kana kecapna, lantaran mindeng ngadenge atawa maca, tapi henteu nyaho kana maksudna.
Hidep oge tangtu apal kana globe mah nya? Enya eta, peta bumi anu buleud saperti bal, mangrupa titiron tina planet bumi, tempat urang cicing ayeuna.
Tah, tina kecap globe nurunkeun kecap global anu ngandung dua harti. Kahiji, ngandung harti “sacara umum”. Kadua, ngandung harti “aya patalina jeung dunya sarta ngaweungku sakuliah dunya”. Tina kecap global nurunkeun deui kecap globalisasi anu ngandung harti “asup kana lingkungan dunya”. Maksudna mah, dina campur gaul bae upamana, urang henteu ngan saukur gaul jeung batur salembur atawa sanagara, tapi jeung bangsa-bangsa anu aya di sakuliah dunya.
Kiwari disebut-sebut mangrupa Jaman Globalisasi, dunya teh karasa beuki heureut bae. Lain dunyana anu ngaleutikan, tapi lantaran kiwari jarak anu sarua bisa dihontal ku waktu anu leuwih sakeudeung. Contona bae anu jarah ka Mekah. Baheula, jaman uyut urang, anu jarah ka Mekah teh di jalanna bae bisa nepi ka sabulan, lantaran tumpak kapal cai. Tapi kiwari di Jakarta ka Mekah teh bisa ngan salapan jam, teu sapoe-poe acan, lantaran tumpak kapal udara. Kitu deui ka tempat-tempat sejenna anu aya di luar negri saperti ka Eropah atawa ka Amerika. Teu kudu mulan-malen kawas baheula.
Globalisasi muncul raket patalina jeung kamekaran tehnologi. Anu karasa pisan mah dina widang informasi. Komo sanggeus aya internet. Urang bisa nyaho kajadian di mana bae di sakuliah dunya ngaliwatan internet. Henteu lila deuih. Malah bisa jadi harita keneh. Urang oge bisa ngayakeun hubungan jeung saha bae, urang mana bae, di mana bae ayana, ngaliwatan internet. Komo deui ayeuna, urang bisa ngakses internet tina hape. Sarta beuki dieu teh fasilitasna beuli lengkep tur gampang deuih.
Pangaruh globalisasi teh, aya alusna jeung aya gorengna deuih. Alusna, urang jadi leuwih loba kanyaho jeung pangaweruh, leuwih lega ambahan campur gaul, jeungleuwih loba luang pikahareupeun. Gorengna, babari asup jeung nerekabna pangaruh budaya deungeun, anu henteu saluyu jeung budaya bangsa urang. Malah bisa jadi ku mahabuna budaya deungeun, budaya urang sorangan kasilihkeun. Padahal urang miboga budaya anu kawilang beunghar. Tah, eta kabeungharan budaya teh mangrupa kaunggul bangsa urang pikeun bersaing jeung bangsa sejen dina mangsa globalisasi. Lebar lamun budaya urang nepi ka laleungitan teh nya.
Sumber : MIDA DAMI, Pangajaran Basa Sunda pikeun Murid SD/MI Kelas VI, Drs. Taufik Fatirohman, spk.
EVALUASI
Sangkan leuwih paham kana tulisan anu euisina pangaruh globalisasi, pek jawab pananya di handap dumasar kana bacaan di luhur!
Naon anu disebut globe teh?
Naon bedana harti kecap globe jeung global?
Naon anu dimaksud globalisasi teh?
Kiwari mah dunya teh karasa leuwih heureut. Cik terangkeun naon maksudna eta kalimah teh?
Naon bedana lalampahan jaman baheula jeung jaman ayeuna? Sebutkeun contona!
Naon anu ngalantarankeun munculna Jaman Globalisasi teh?
Dina widang naon anu karasa pisan pangaruh globalisasi teh?
Kumaha kamekaran tehnologi dina widang informasi kiwari?
Naon pangaruh alusna globalisasi pikeun urang?
Naon pangaruh gorengna globalisasi pikeun urang?
MARI BERLATIH
NGAPALKEUN HARTI KECAP
Dina bacaan aya sawantara kecap anu bisa jadi hidep teu paham maksudna atawa hartina. Pek apalkeun!
medar = nerangkeun
peta = gambar tanah, wewengkon
titiron = tina tirtiruan, lain anu asli, lain nu saenyana
ngawengku = ngurung, nyakup
heureut = sempit
mulan-malen = mangbulan-bulan, sababaraha bulan
raket = deukeut
internet = internet wancahan tina “interconnection networking” nyaeta jaringan komputer anu nyambung ka sakuliah dunya
akses = jalan asup
fasilitas = sarana pikeun ngalancarkeun dilaksanakaeunana hiji hal atawa pagawean
ambahan = anu bisa kahontal, anu bisa kadongkang
luang = lolongkrang, pangalaman
mahabu = pohara ngagalaksakna
kasilihkeun = kaelehkeun, kadeseh
KESIMPULAN
Kecap globalisasi anu ngandung harti “asup kana lingkungan dunya”. Maksudna mah, dina campur gaul bae upamana, urang henteu ngan saukur gaul jeung batur salembur atawa sanagara, tapi jeung bangsa-bangsa anu aya di sakuliah dunya.
Pangaruh globalisasi teh, aya alusna jeung aya gorengna deuih. Alusna, urang jadi leuwih loba kanyaho jeung pangaweruh, leuwih lega ambahan campur gaul, jeungleuwih loba luang pikahareupeun. Gorengna, babari asup jeung nerekabna pangaruh budaya deungeun, anu henteu saluyu jeung budaya bangsa urang. Malah bisa jadi ku mahabuna budaya deungeun, budaya urang sorangan kasilihkeun.
Kecap globalisasi anu ngandung harti “asup kana lingkungan dunya”. Maksudna mah, dina campur gaul bae upamana, urang henteu ngan saukur gaul jeung batur salembur atawa sanagara, tapi jeung bangsa-bangsa anu aya di sakuliah dunya.
